|
الأرض دى أرض الحريـة والدنيـا ما بتساعش عينينـا والعيد عيد الجمهوريـة والمدرسة مدرسةْ وجنينـه يا مدارس وصبحنـا فوارس وعملنا جـدول وفهارس وكتبنا ـ اسم النبـى حارس ـ ع التخته خمستاشـر مارس عاش جمـال قال البشـرى للأجيال واحنا ولادك احنا رجـال يـا ريس حققت آمالنا وتحقق لولادنا آمـال لما القابلةْ تقول حدوتـه بنقول لها مافيناش من توتـه ولا غوله تخوف بنوتـه ثوار والثورة ولدتنـا شطار أشطـر من حواديتنا لا شالتنا جبال ولا حطتنـا احنا نشيل ونحط جبـال قلت البشـرى للأجيال واحنا ولادك احنـا رجال يا ريس حققت آمالنـا وتحقق لـولادنا آمال من أول ما نطقنا الكلمـة شفنا السد العالـى عالى والفجر منور طوالى والراية بتلعب فى النسمـة نهديها تلاتاشر نجمه دى ايدينا اللـى عليها النعمه ايدين فلاحـه ايدين عمال قلت البشرى للأجيـال واحنا ولادك احنا رجـال يا ريس حققت آمالنـا وتحقق لولادنا آمـال احنا ولاد الثوره بدأنـا والاشتراكيه مبـدأنا مانشمش فى الهوا أعـداءنا ولا نشرب فـى الميه داءنا سكتنا مافيهاشـى عفاره وبنوصل قبل الصفـاره لنا فى الحق ولنا فـى الواجب هيلاهيـلا قبل مانتعاجب على قدنـا شيلنا الأحمال قلت البشـرى للأجيال واحنا ولادك احنـا رجال يا ريس حققت آمالنـا وتحقق لولادنا آمـال أنا باحيى اللى قال البشـرى للأجيال أنا لسه فى المدرسه واعرف أقـول موال أمى من الفلاحين والـدى من العمال سهران منور لهـم حبك لهم آيه أقول يقولوا معايا تعيش لنا يـا جمال
* فؤاد حداد، "عاش جمال"، مجلة صباح الخير، العدد 480، (القاهرة: مؤسسة روزاليوسف، 18/3/1965)، ص 14. |